मुंबई, ता. २४ - पवनचक्क्या उभारण्यासाठी लागणार्‍या अवजड यंत्रसामुग्रीच्या वाहतुकीमुळे रस्त्यांचे मोठ्या प्रमाणात नुकसान होते. या रस्त्यांच्या देखभाल-दुरुस्तीची जबाबदारी अपारंपारिक ऊर्जा विभागाने स्वीकार ली पाहिजे, असे सार्वजनिक बांधकाममंत्री छगन भुजबळ यांनी त्यांच्या दालनात झालेल्या बैठकीत स्पष्ट केले आहे. सार्वजनिक बांधकाम विभागाकडून तयार करण्यात आलेले रस्ते किमान ५ वर्षे सुस्थितीत रहावे अशी अपेक्षा असते. तथापि, पवनऊर्जा प्रकल्पांसाठी लागणार्‍या अवजड यंत्रसामुग्रीच्या वाहतुकीमुळे ते सुस्थितीत राहू शकत नाहीत व लवकर खराब होतात. याप्रकारे सांगली, धुळे, नंदूरबार, सातारा, अहमदनगर, नाशिक जिल्ह्यातील राज्यमार्ग, प्रमुख जिल्हामार्ग, इतर जिल्हामार्ग तसेच ग्रामीण मार्ग असे सगळे मिळून सुमारे ६३५.५८ किलोमीटर लांबीचे रस्ते खराब झाले आहेत. यांच्या दुरुस्तीची जबाबदारी अपारंपारिक ऊर्जा विभागाने घेतलीच पाहिजे. या रस्त्यांची देखभाल-दुरुस्ती सार्वजनिक बांधकाम विभाग घेईलही, मात्र त्याच्या खर्चाची तरतूद संबंधित विभागाने करावी असेही श्री. भुजबळ यांनी स्पष्ट केले.
मास्टरब्लास्टर सचिन तेंडुलकर सचिन तेंडुलकर आता आपल्या जागतिक विश्वविक्रमापासून अवघे एक पाऊल दूर आहे. शंभर धावांची अर्थात शतकांच्या शतकांसाठी शतकी शतक पूर्ण करण्यासाठी सचिनला आता अगदी थोडीच प्रतीक्षा करावी लागणार आहे. स्वभावाने अत्यंत शांत, संयमी, धीरोदत्त असणाऱ्या सचिनने 99 वे शतक झळकविण्यापूर्वी सुद्धा शांतपणे स्थिर बुद्धीने प्रत्येक चेंडूवर खेळी खेळून योग्य वेळी 4, 6 धावा काढून आणि अक्षरशः काही धावा पळून काढल्या. यंदाच्या विश्वचषक स्पर्धेतच सचिन आपले हे 100 वे शतक करणार हे मात्र नक्की...